Alef Logo
ابداعات
              

" قصيدة باللهجة العراقية "إشبكَـه وياكم ؟؟!

أحمد بغدادي

2009-09-14

إذا بالدم كتبت اسمك على روحي
وخليت المسه مرايه
وغفيت إعله عشكَـ شخصك
إوغفه بيه النجم والليل
واكَلك إن حضر اسمك
تضوي ظلمة جروحي
يهب عنبر .. مسك شامي .. وروايح هيل ..
إلك ثلث الشمس واكثر .. إلك وجه الكَمر يَسْمر !
إلك ذات النبي يوسف
إلك كلما أوصفن بيك يزيد غرورك وتنغر ؟!
وأشوفك مرتـﭽـي إعله الماي
أجيسك .. ﭼـا صعب لزمك !
وإذا تمر المسه نسمه أشم عطرك
واشم ورد وخجل نرجس .. طعم ريحان ْ
وإذا تمر بشوارعنا .. يصير الباب يتلفت
يدك َ بيده على خِِشْبه
ومن يفتح طفل مجنون يصير وراك يتخبط ؟!!.
محتار وأفسر بيك .. أدور بيك .. شنو سرك
(( إذا الأعمى من تمر يصدلك )) !...
وإذا الطاووس من شافك نتف ريشه ومشى يمك
واكَلك يل مشت روحي ورا روحك
اشبكَـه وياكم
إشبكَـه وياكم
أتكَطع وأضيع وضيعت رجـْـلَي وسط دربك
ولك حسنك تعدى الخشفه والغزلان
وطغى حسنك على حسنك ..
وعلى كفي أكَلبك صافن وحيران واشد جفني على ليلك
شبعد تانيتك وسهران
يظل حسنك واظل سكران ؟!
على حسك .. على همسك .. على شكلك ..
إذا بالدم كتبت اسمك على روحي
وصرحت ابعناوينك ولو ضاعت عناويني
صيح اكره شكل كل دم .. بس إنته بكَلب جسمي وهم ساكن شراييني !.
إذا بالدم .. إذا بالروح
إذا بكَلبي انحفر اسمك
بقى رسمك على رسمي
وإذا الدنيا محت إسمي
أظن إنته تظل اسمي
وتظل رسمي وملامح وجهي من وجهك
لأن نحن نكمل ما نقص عدنا .... تجاوزت الحدود وياك
وصبح حدي مثل حدك
لأن ميزاني ميزانك نتوازن على الكفتين
ومثلما تعرف حدودك .. يظل ثقلك ضرب الاثنين ‍‍!!.
إذا بالروح رسمت الدنيا فرحانة
ورسمتلك ألف ضحكة على شفتك
وعلى خصرك شبكت إيدي وأتدلل على روحك
صحيح آنه طفل مجنون
أظن جنيت من عشكَك
ولأن نحن نِكمل ما نقص عدنا
اكتمل حبي ابترف حبك
انتهى دربي اوصرت خطوه لبُعد دربك
خلينا جسد واحد .. كَلب واحد ..
وإذا ترفض
دشوف الورد لو سرقوه من عطره !!.


أحمد بغدادي
‏2006‏‏-‏07‏‏-‏18‏





تعليق



رئيس التحرير سحبان السواح

لو أطالَ اللهُ عمرَ النَّبيِّ محمَّدٍ

09-كانون الأول-2017

سحبان السواح

توفِّيَ الرَّسولُ عنْ عمرٍ يناهزُ الثَّلاثةَ والستِّينَ عاماً، وكانَتِ الدَّولةُ الإسلاميَّةُ قدْ بدأَتْ تتشكَّلُ، والتَّوجُّهَ نحوَ العالمِ الخارجيِّ، بعيداً عنْ بداوةِ الصَّحراءِ، نحوَ مدنٍ ودولٍ أكثرَ تحضُّراً وثقافةً منْ ثقافةِ...
المزيد من هذا الكاتب

من ينتعل حذائي بعد موتي ؟!

09-كانون الأول-2017

أغنيتان من دفتر ِ الخساراتِ الجميلة

11-تشرين الثاني-2017

*على مقام الصبا

04-تشرين الثاني-2017

من دفتر أنثى عاشقة في الخراب المضارع

14-تشرين الأول-2017

الحرب هي الحرب

16-أيلول-2017

خواطر من أيام اللدراسة الثانوية

09-كانون الأول-2017

إلا أنني أستطيع التبوّل أيضاً .. وأستطيعُ الكتابة ...

02-كانون الأول-2017

قبل ربع قرن، مسرح صيدنايا السرّي

25-تشرين الثاني-2017

لأن الأغاني الحياة ولأني الحياة الحب أغني

18-تشرين الثاني-2017

الظهور والإختفاء ..

11-تشرين الثاني-2017

الأكثر قراءة
Down Arrow